My Books

"ਸਜ ਕੇ ਮੌਤ ਸੀ ਆਈ,
ਅਸੀਂ ਸਮਝੇ ਅਸੀਸਾਂ ਨੇ,
ਇਹੀ ਹੈ ਜੂਨ ਫ਼ੱਕਰਾਂ ਦੀ,
ਹੌਂਕੇ ਨੇ, ਤੇ ਚੀਸਾਂ ਨੇ,
ਅਸੀਂ ਠੰਢੇ ਜੇ ਭਾਗਾਂ ਦੇ,
ਭਖਦੀ ਜੀ ਤਾਸੀਰਾਂ ਦੇ,
ਆ ਜਾ ਬੈਠ ਜਾ ਰਾਹੀਆ,
ਤੇ ਸੁਣ ਕਿੱਸੇ ਫ਼ਕੀਰਾਂ ਦੇ."

" ਕੀ ਉਹ ਅੱਖਾਂ ਵੀ ਅੱਖਾਂ ਨੇ,
ਜੋ ਕਦੇ ਖੁੱਲ੍ਹੀਆਂ ਨਹੀਂ?
ਕੀ ਉਹ ਖੰਭ ਵੀ ਖੰਭ ਨੇ,
ਜੋ ਕਦੇ ਫੈਲੇ ਨਹੀਂ?
ਕੀ ਉਹ ਇਨਸਾਨ
ਵੀ ਇਨਸਾਨ ਹੈ,
ਜੋ ਗ਼ਰੀਬ ਹੈ? "

"ਫ਼ਿਲਮਾਂ ਨੇ ਤੈਨੂੰ ਇਹ ਨਹੀਂ ਦੱਸਿਆ ,
ਕਿ ਤੇਰਾ ਮਰਦ ਹੋਣਾ ,
ਇੱਕ ਸਰਾਪ ਹੈ।
ਇਹ ਨਹੀਂ ਦੱਸਿਆ,
ਕਿ ਤੈਨੂੰ ਵੀ ਦਰਦ ਹੋਵੇਗਾ,
ਤੇ ਇਹ ਨਹੀਂ ਦੱਸਿਆ,
ਕਿ ਤੈਨੂੰ ਫਟ ਜਾਣ ਦਾ ਹੱਕ ਤਾਂ ਹੋਵੇਗਾ,
ਪਰ ਰੋਣ ਦਾ ਨਹੀਂ "